(ویب ڈیسک): وزیر صحت پنجاب ڈاکٹر یاسمین راشد نے لاہور میں پریس کانفرنس کرتے ہوئے کہا کہ لاہور میں وزیراعظم عمران خان کی زیرصدارت اجلاس میں وزیراعظم نے SOPs کی خلاف ورزی والے علاقوں میں”سمارٹ لاک ڈاؤن”اور سختی کرنےکی ہدایت کی تھی، ان ہدایات کی روشنی میں 2 دن میں لاہور کے ہاٹ سپاٹ ایریاز کی نشاندہی کی گئی جنہیں کل رات 12 بجے سے 14دن کے لیے بند کر دیا جائے گا۔
لاہور میں وزیراعظم عمران خان کی زیرصدارت اجلاس میں وزیراعظم نےSOPsکی خلاف ورزی والےعلاقوں میں"سمارٹ لاک ڈاؤن"اور سختی کرنےکی ہدایت کی تھی
ان ہدایات کی روشنی میں2دن میں لاہورکےہاٹ سپاٹ ایریاز کی نشاندہی کی گئی جنہیں کل رات 12بجےسے14دن کےلیےبندکیاجائےگا pic.twitter.com/f7neuK9BWt
— Government of Punjab (@GOPunjabPK) June 15, 2020
ڈاکٹر یاسمین راشد نے عوام سے اپیل کی کہ وہ وائرس کے پھیلاؤ کو روکنے کے لئے حکومت کے اعلان کردہ معیاری طریقہ کار پر عمل کریں اور کہا کہ حکومت نے صوبائی دارالحکومت کے ان علاقوں کے لئے ایک ‘خصوصی حکمت عملی’ تیار کی ہے جہاں سے کورونا وائرس کے واقعات میں اضافہ دیکھا گیا ہے۔
احتیاطی تدابیر کی ضرورت کا اعادہ کرتے ہوئے ، ڈاکٹر یاسمین راشد نے کہا کہ اگر لوگ ماسک پہنیں تو وائرس کی ترسیل کو 50 فیصد تک کم کیا جاسکتا ہے۔
عوام الناس سے درخواست کرتے ہوئے انہوں نے کہا کہ لوگ اس وبائی امراض کے بارے میں غلط فہمی پھیلانے سے گریز کریں، پوری دنیا کوویڈ 19 کے اثرات سے دوچار ہے اور اس سے نکلنے کی کوشش کر رہی ہے۔
