(ویب ڈیسک): مُلک میں کورونا وائرس ہاٹ سپاٹس کے حوالے سے نیشنل کمانڈ اینڈ آپریشن سینٹر کی جانب سے, ٹریسنگ ، ٹیسٹنگ اور کورنٹائن حکمت عملی کے تحت مُلک کے 20 شہروں کی نشاندہی کی گئی۔
این سی او سی کی جانب سے متعدد شہروں کی بڑھتے کورونا کیسز اور حفاظتی اقدامات مزید سخت کے حوالے سے نشاندہی کی گئی۔ نشاندہی کیے گئے شہروں میں کراچی, لاہور, کوئٹہ, پشاور, راولپنڈی, اسلام آباد, فیصل آباد, ملتان, گجرانوالہ, سوات, حیدر آباد, سکھر اور سیالکوٹ, گجرات, گھوٹکی, لاڑکانہ, خیر پور, ڈی جی خان, مالا کنڈ اور مردان شامل ہیں۔
وزیر اعظم کے کورونا وائرس سے نمٹنے کے لیے سمارٹ لاک ڈاؤن کی حکمت عملی کے اعلان کے بعد #NCOC کا مُلک بھر کے ہاٹ سپاٹس کا جائزہ
مُلک بھر میں تیزی سے کورونا کیسز بڑھنے کے لحاظ سے 20 شہروں کے حوالے سے صوبوں کو آگاہی این سی او سی@PakPMO @pid_gov— Ministry of National Health Services, Pakistan (@nhsrcofficial) June 15, 2020
ترجمان این سی اوسی کا کہنا تھا کہ خیرپور، ڈی جی خان، مالاکنڈ اور مردان کے مختلف علاقے بھی کورونا سے بہت زیادہ متاثر قرار دیے گئے ہیں جب کہ اسلام آباد میں جی نائن، ٹو، تھری سیل کردیے گئے اور کراچی کی ایک کمپنی بھی 300 سے زیادہ کیسز آنے پر سیل کردی گئی ہے۔
دوسری جانب اسلام آباد میں آئی ایٹ، آئی ٹین، غوری ٹاؤن، بارہ کہو، جی سکس، جی سیون بھی نئے ہاٹ اسپاٹ بن گئے، ان نئے ہاٹ اسپاٹس کی مانیٹرنگ جاری ہے جو کبھی بھی سیل کئے جا سکتے ہیں۔
