ممبئی(نیٹ نیوز) بھارتی وزیر اعظم مودی کا غریب عوام کو کرونا وائرس کی ویکسین بنانے کےلئے ایندھن کے طور پر استعمال کرنے کا فیصلہ۔ ممبئی کے اردگرد قائم جھونپڑیوں میں رہنے والے غریبوں پر کرونا وائرس کی تیار کی جانیوالی ویکسین کے تجربات کئے جائیں گے۔ تفصیلات کے مطابق مودی سرکار نے غریب شہریوں پر کرونا وائرس کی متنازع دوا ہائیڈروکلوروکوئین کا تجربہ کرنے کا فیصلہ کیا ہے۔ اس فیصلے کے مطابق ممبئی کے نواح میں قائم جھونپڑیوں کی بستی کے غریب ترین مقیم اس تجربے کا ایندھن بنیں گے۔ اس تجربے کے حوالے سے بھارتی ڈاکٹروں نے انتباہ کیا ہے کہ اس میں بلڈ پریشر اچانک بڑھ سکتا ہے جو کہ لوگوں کی موت کا باعث بن سکتا ہے اور اس کے ساتھ ہی ہارٹ اٹیک کا خطرہ بھی بہت زیادہ ہے۔ اس کے بعد بھارتی سوشل میڈیا صارفین نے اس فیصلے پر سخت تنقید کرتے ہوئے کہا ہے کہ یہ بہت ہی غلط ہے۔ کئی صارفین کا کہنا تھا کہ غریبوں کو جانوروں کی طرح استعمال کیا جا رہا ہے۔ یاد رہے کہ کلوروکوئن پر زور اس وقت دیا گیا جب فرانس کے سائنسدانوں نے اسکے استعمال کو کرونا کے علاج کے لئے معاون قرار دیا۔ تب سے امریکی صدر ڈونلڈ ٹرمپ اس دوا کو سیاسی طور پر کرونا کے علاج کے طور پر پیش کر رہے ہیں۔ اور اسکی افادیت پر بھی بڑے سوال اٹھ رہے ہیں۔
