اسلام آباد(ویب ڈیسک): عراق میں پھنسے پاکستانی قومی ایئرلائن پی آئی اے کے خصوصی طیارے کے ذریعے اسلام آباد پہنچ گئے۔
قومی ایئرلائن پی آئی اے کا خصوصی طیارہ پی کے 9814 نے عراق میں پھنسے 136 پاکستانیوں کو اسلام آباد پہنچا دیا۔ ڈاکٹروں کی خصوصی ٹیم نے مسافروں کا طبی معائنہ اوراسکریننگ کی۔ 135 مسافروں اور11 کریو ممبرکو مختص ہوٹلوں کے قرنطینہ منتقل کردیا گیا جب کہ بلال نامی مسافرکوجسم کا درجہ حرارت زیادہ ہونے پرپمزمنتقل کردیا گیا ہے۔
ایئرپورٹ ذرائع کے مطابق مسافروں اور پی آئی اے کریو کے خون کے نمونے ہوٹل میں لیے جائیں گے۔ کورونا وائرس ٹیسٹ منفی آنے والے مریضوں کو گھر جانے کی اجازت دی جائے گی۔
