صوبہ سندھ میں دنیا کی سب سے زیادہ اوسط شرح سے کورونا کیسز سامنے آئے ہیں، کراچی کے متعدد علاقے سیل 1

صوبہ سندھ میں دنیا کی سب سے زیادہ اوسط شرح سے کورونا کیسز سامنے آئے ہیں، کراچی کے متعدد علاقے سیل

کراچی(ویب ڈیسک): وزیراعلیٰ سندھ مراد علی شاہ نے ایک ویڈیو پیغام کے ذریعے کہا کہ گزشتہ 24 گھنٹوں میں 531 ٹیسٹ کیے گئے جس میں 104 یعنی 20 فیصد مثبت آئے، گزشتہ 24 گھنٹوں میں 6 اموات ہوئیں جوکہ زیادہ ہیں، اس سے ظاہر ہوتا ہے کہ صورتحال خراب ہورہی ہے جس کی وجہ لاک ڈاؤن پر سختی سے عمل نہیں ہورہا ہے۔
وزیراعلیٰ سندھ مراد علی شاہ ااکے مطابق گزشتہ 24 گھنٹوں میں صوبے میں دنیا کی سب سے زیادہ اوسط شرح سے کورونا کیسز سامنے آئے ہیں، یہ بات انتہائی تشویش ناک ہے۔
انتظامیہ نے کورونا وائرس کے کیسز میں شدید اضافے کے باعث کراچی کے متعدد علاقے مکمل سیل کرنے کا حکم جاری کردیا۔
ضلع شرقی کے کئی علاقوں میں کورونا وائرس کے متاثرہ مریضوں میں تشویشناک حد تک اضافہ ہوگیا جس کے باعث ڈپٹی کمشنر ضلع شرقی نے متاثرہ علاقے مکمل سیل کرنے کے احکامات جاری کردیے۔
سیل کئے جانے والے علاقوں میں یو سی 6 گیلانی ریلوے، یو سی 7 ڈالمیا، یو سی 8 جمالی کالونی، یو سی 9 گلشن 2، یوسی 10 پہلوان گوٹھ، یوسی 12 گلزار ہجری، یو سی13 صفورہ، یوسی14، فیصل کینٹ، یوسی2 منظور کالونی، یوسی 9 جیکب لائن، یو سی 10 جمشید کوارٹرز شامل ہیں۔
ڈپٹی کمشنر(ڈی سی) شرقی نے رینجرز اور پولیس کو فوری طور پر مذکورہ علاقے مکمل طور پرسیل کرنےکا حکم جاری کرتے ہوئے کہا کہ ان علاقوں میں کسی بھی شخص کو نہ باہر جانے اور نہ اندر داخل ہونے کی اجازت ہوگی۔

Leave a Reply