(ویب ڈیسک): جماعت اسلامی کا جلسہ عام جو کہ آج دیر میں منعقد ہوا، امیر جماعت اسلامی سراج الحق نے اعلان کیا کہ جماعت اسلامی کی تمام تر سیاسی سرگرمیاں دو ہفتے کے لیے معطل کر دی گئی ہیں۔
ان کا کہنا تھا کہ کورونا کے پھیلاؤ کے خطرے کے پیش نظر جماعت اسلامی کی سیاسی و عوامی سرگرمیوں کو آئندہ دو ہفتوں کے لیے معطل کرنے کا فیصلہ کیا گیا ہے۔ تحریک کے اگلے مرحلے میں جماعت اسلامی پنجاب میں جلسے کرے گی۔ جس کا آغاز گوجرانوالہ سے ہوگا۔
کورونا کے پھیلاؤ کے خطرے کے پیش نظر
آج دیر جلسہ عام میں جماعت اسلامی کی سیاسی و عوامی سرگرمیوں کو آئندہ دو ہفتوں کے لیے معطل کرنے کا اعلان کیا
تحریک کے اگلے مرحلے میں جماعت اسلامی پنجاب میں جلسے کرے گی۔ آغاز گوجرانوالہ سے ہوگا۔ ان شاء اللہ pic.twitter.com/iSPagxRJbh— Siraj ul Haq (@SirajOfficial) November 29, 2020
مزید انہوں نے عوام کا شکریہ ادا کرتے ہوئے کہا کہ دیر لوئر کےعوام کا شکریہ، آج کےجلسہ عام میں انھوں نےفیصلہ سنا دیا کہ دیر اسلام پسندوں کا گڑھ تھا، ہے اور رہے گا، ان شاءاللہ۔
امیر جماعت اسلامی سراج الحق نے عوام کی حوصلہ افزائی کرتے ہوئے کہا کہ مینڈیٹ چرایا جا سکتا ہے، مگر لوگوں کے دلوں سے محبت ختم نہیں کی جا سکتی۔ ضلعی نظم اور کارکنان کے لیے شاباش، ان کی محنت رنگ لائی، عزم و یقین کا سفر جاری رہے گا۔
