ویب ڈیسک : وزیراعظم عمران خان کا کہنا ہے کہ بھارت میں مسلمان اوردیگر اقلیتیں ہندوؤں کے مظالم کا نشانہ بن رہے ہیں اوربھارت مودی کی قیادت میں ہندو بالادستی کی طرف بڑھ رہا ہے۔
وزیراعظم عمران خان نے ٹوئٹرپرکہا کہ بھارت مودی کی قیادت میں ہندوبالادستی کی طرف بڑھ رہا ہے، بھارت نے مقبوضہ کشمیرمیں غیرقانونی محاصرہ کررکھا ہے، بھارت نے آسام کے 20 لاکھ مسلمانوں کی شہریت ختم کرتے ہوئے اب شہریت کا نیا بل منظورکرلیا ہے۔ بھارت میں مسلمان اوردیگراقلیتوں ہندوؤں کے مظالم کا نشانہ بن رہے ہیں۔
مودی سرکار کے نیچے بھارت نہایت منظم انداز میں ہندو نسل پرستی کےایجنڈے کیجانب بڑھ رہا ہے۔ کشمیرپرغاصبانہ قبضے سے شروع ہونےوالا یہ سلسلہ کشمیر کےجاری محاصرے،آسام میں 20 لاکھ مسلمانوں کی شہریت سے محرومی اور حراستی مراکز کی تعمیر سے گزرتا ہواشہریت میں ترمیم کے قانون تک آپہنچا ہے۔
— Imran Khan (@ImranKhanPTI) December 12, 2019
وزیراعظم نے کہا کہ دنیا کو یہ سمجھنا چاہئے نازی جرمنی کے نسل پرست ایجنڈے پرعالمی خاموشی دوسری جنگ عظیم کا باعث بنی تھی اورمودی کے ہندوبالادستی کے ایجنڈے کے سبب ایٹمی بحران کی زد میں آکر پاکستان کو دھمکیاں بھی دی گئیں، جودنیا میں بڑے پیمانے پرخونریزی اوردوررس نتائج کا باعث بنے گا۔
India, under Modi, has been moving systematically with its Hindu Supremacist agenda. Starting with illegal annexation & continuing siege of IOJK; then stripping 2 mn Indian Muslim in Assam of citizenship, setting up internment camps; now the passage of Citizenship Amendment Law;
— Imran Khan (@ImranKhanPTI) December 12, 2019
وزیراعظم نے مزید کہا کہ جیسا کہ نازی جرمنی میں ہوا تھا ویسے ہی مودی کے ہندوستان میں خونریزی اورجنگ کی دھمکی دینے والے ہندوبالادست ایجنڈے کا مقابلہ کرنے کے لئے تیارہیں اس لیے بہت دیرہونے سے پہلے ہی دنیا کو آگے بڑھنا چاہیئے۔
جوہری دوڑ میں مودی کاایجنڈا/پاکستان کو دھمکیاں قتل عام کیساتھ دنیاکیلئےبھیانک نتائج کاسبب بنیں گی۔ نازی جرمنی کیطرح مودی کےبھارت میں اختلاف دیوارسےلگایاجاچکا،چنانچہ نسل پرستی کے ایجنڈے سےمغلوب خونریزی/جنگ پر آمادہ مودی کی راہ روکنےکیلئےدنیا آگے بڑھے،اس سے پہلے کہ بہت دیر ہوجائے۔
— Imran Khan (@ImranKhanPTI) December 12, 2019